நன்றி மடல்!
பொன்மனத்தீர்! நட்புளத்தீர்! பொங்கல்நாள் வாழ்த்தளித்தீர்!
பன்நலமும் வாய்த்திடுக! பார்போற்ற உயர்ந்திடுவீர்!
இந்தமிழாய், வண்குறளாய், இசையோடு நிலைத்திடுவீர்!
செந்நெல்லும், நற்கரும்பும் செய் உயர்த்தல் போல்;நும்மில்
முன்னோரும் பின்னோரும் மூதின்பம் கொண்டிடுக!
தென்குலப்பெண் மஞ்சளென, தேர்ந்தசுவை இஞ்சியென,
மென்பாட்டாய், நற்கவியாய், மென்காற்றாய், நன்மழையாய்
மன்பதையில் கேண்மையீர்! மாண்புறுவீர்!
நன்றியினைப் படைக்கின்றேன்! நான்வணங்கி, ஏற்பீரே!
-கவிஞர் கணக்காயன் (இ.சே.இராமன்)
பட உதவி: கூகிளுக்கு நன்றி!
